Kaatrinile Varum Geetham/காற்றினிலே வரும் கீதம்-Ramanan/ரமணன்

Rs. 210.00

இதோ உங்கள் கையிலிருக்கும் புத்தகத்தில் நீங்கள் ஒரு சினிமா (biopic) பார்க்கலாம். கற்பனை செய்யும் திறமை என்றெல்லாம் தனியே எதுவும் வேண்டாம். வெறுமனே படித்துக் கொண்டே வாருங்கள். உங்கள் மனதில் காட்சிகள் தானே விரியும். அப்படி ஒரு எழுத்து நடை.
அப்படி ஒரு வாழ்க்கையும் கூட.! மனைவி என்ற அந்தஸ்தைப் பெறாத தாய், அவருக்கு ஒரு சாதனைப் பெண், அந்தக் குழந்தைக்காகத் தன்னைத் தியாகம் செய்து கொள்ளும் அம்மா, மகளுக்கு அந்த அன்னையின் மீது மட்டற்ற பாசம் ஆனால் அதே நேரத்தில் கைவிடமுடியாத காதல், பெறாத குழந்தையைப் பேணி வளர்க்கும் தாய், எதிர்பாராத சினிமா பிரவேசம், அதில் இமாலய வெற்றி, வெற்றியைத் தொடர்ந்து விலகல், உலகப் புகழ், தேசத்தின் உச்ச பட்ச விருது, அநாதை இல்லங்களுக்கு வாரி வாரிக் கொடுத்த கை சொந்த வீடு இல்லாமல் நொடிக்கும் துயரம், அந்த நேரத்தில் அவர் மீது பொழியப்படும் ஆண்டவன் அருள்!
இதை திரையில் பார்க்க நேர்ந்தால் பார்ப்பவர்கள் வியப்பிலும் திகைப்பிலும் ஆழ்வார்கள். இந்தப் புத்தகம் வார்த்தைகளால் அமைந்த ஒரு பயோபிக். A verbal biopic. தமிழுக்கு இது ஒரு புதுவகை
- மாலன்

Ellarum Pesalaam English/எல்லாரும் பேசலாம் இங்கிலீஷ்-N Chokkan/என்.சொக்கன்

Rs. 130.00

ஆங்கிலப் பேச்சின் அடிப்படைகளைக் கற்றுக்கொள்ளவேண்டும், சரளமாகப் பேசவேண்டும் என்று ஆசையா? அப்படியானால், இந்தப் புத்தகம் உங்களுக்குதான்!
இன்றைய உலகில் ஆங்கிலத்தில் பேசும் திறன் என்பது பல வாய்ப்புகளைத் திறக்கிறது. நம் ஊரில்மட்டுமின்றி, வெளி மாநிலங்கள், வெளிநாடுகளிலெல்லாம் பணிபுரிவதற்கு, தொழில் செய்வதற்கான வாசல்களைத் திறக்கிறது. சரியான திறமை இருப்பவர்கள் அத்துடன் ஆங்கிலப் பேச்சையும் சேர்த்துக்கொண்டால் பல உயரங்களுக்குச் செல்லலாம், வெற்றிக்கொடி கட்டலாம்.
பலரும் நினைப்பதுபோல், ஆங்கிலத்தில் பேசுவது அப்படியொன்றும் கடினமில்லை. சில எளிய அடிப்படைகளைக் கற்றுக்கொண்டு விடாமுயற்சியுடன் பயிற்சியெடுத்தால் மிக விரைவில் இயல்பாக ஆங்கிலம் பேசத் தொடங்கிவிடலாம். இந்தப் புத்தகம் அதை எளிமையாகவும் அழகாகவும் கற்றுத்தருகிறது.
பள்ளி, கல்லூரி மாணவர்கள், வேலை தேடுவோர், சுயதொழில் முனைவோர், இல்லத்தரசிகள் என அனைவருக்கும் பயன் தரும் சூப்பர் ஹிட் புத்தகம், வாங்கிப் படியுங்கள், ஆங்கிலத்தில் அசத்துங்கள்! உலகம் உங்கள் கையில்!

Arupaththu Ezhavadhu Adi/அறுபத்து ஏழாவது அடி- Suresh Raina/சுரேஷ் ரெய்னா/Bharath Sundaresan/பரத் சுந்தரேசன்/Thamaraiselvi/தாமரைச்செல்வி

Rs. 270.00

Believe - நம்பிக்கை கொள் என்று சச்சின் தெண்டுல்கர் ரெய்னாவிடம் சொன்னார், அவரோ அதைத் தன் உள்ளத்தில் சுமந்து, அந்தச் சொல்லையே தன் கையில் டாட்டூவாகப் பச்சை குத்திக்கொண்டார்.
ஓர் இளம் கிரிக்கெட் வீரராகத் தான் சந்தித்த சவால்களை இந்தப் புத்தகத்தில் விவரித்திருக்கிறார். பள்ளியிலும், கிரிக்கெட் பயிற்சி மையங்களிலும் அச்சுறுத்தல், துன்புறுத்தல்களை எதிர்கொண்டார். ஆனால் தனக்கு மீறிய வலுவுடன் அவற்றைக் கையாண்டார், வாழ்க்கை தன் பக்கம் வீசிய அத்தனை சங்கடங்களையும் சமாளித்தார், ஒருபோதும் தன் போராட்டத்தைக் கைவிடவில்லை. இது அவர் கற்ற பாடங்கள் மற்றும் பெற்ற தோழமைகளைப் பற்றிய கதை.
கிரிக்கெட் பற்றியும் வாழ்க்கை பற்றியும் எம்.எஸ்.தோனி, ராகுல் த்ராவிட், அனில் கும்ப்ளே, சச்சின் தெண்டுல்கர், சவுரவ் கங்கூலி போன்ற சீனியர் வீரர்களிடமிருந்து தான் கற்ற விலைமதிப்பற்ற நுணுக்கங்களை இந்தப் புத்தகம் முழுக்கப் பதிவு செய்திருக்கிறார். இந்தப் புத்தகம் உழைப்பு, அன்பு, அதிர்ஷ்டம், நம்பிக்கை மற்றும் தோழமை மீது மிகுந்த மதிப்பை உண்டாகும்.
கண் முன்னே தன் உலகம் உடைந்து நொறுங்குவதைப் பார்த்த பின்னும், வெள்ளை பந்து கிரிக்கெட் ஆட்டத்தில் இந்தியாவின் தலைசிறந்த வீரர்களில் ஒருவராக உருவான ஒரு மனிதரின் கிரிக்கெட் வாழ்க்கையில் தோன்றிய மேடு பள்ளங்களின் ஊடாக ஓர் அற்புதமான பயணம் இது.

Gandhi Vazhi/காந்தி வழி - N Chokkan/என் சொக்கன்

Rs. 175.00

மகாத்மா காந்தி தன்னுடைய தொண்டர்களுக்கு முன்வைத்த 14 கொள்கைகளை எளிமையான முறையில் அறிமுகப்படுத்தும் நூல் இது, காந்தி எழுதிய ‘From Yervada Mandir’ என்ற நூலைத் தழுவியது.
முன்பு எப்போதையும்விட, இன்றைக்குதான் காந்தி அதிகம் தேவைப்படுகிறார். அவரைக் கண்மூடித்தனமாகப் பின்பற்ற வேண்டியதில்லை, அவர் என்ன சொல்லவருகிறார் என்பதைத் தெரிந்துகொண்டு அந்தத் திசையில் சிந்திக்கத் தொடங்கினால் போதும், நம்முடைய வழி முன்பைவிட நேராக இருக்கும். அதற்கு இந்த நூல் உங்களுக்கு உதவும்.

Thooimai Thodangum Idam/தூய்மை தொடங்கும் இடம் -N.Chokkan/என். சொக்கன்

Rs. 170.00

வரலாற்றை நாம் படிக்கிறோம். இன்னொருபக்கம், வரலாற்றை நாம் எழுதவும் செய்கிறோம்.
அன்றாடச் செய்திகள் மக்களுக்குப் பெரும் ஆர்வமூட்டுகின்றன. ஆனால், அந்தச் செய்திகளைத் தொகுத்து அவற்றின் போக்கைப் புரிந்துகொள்வதில் பெரும்பாலானோருக்கு ஆர்வம் இருப்பதில்லை. Connecting the dots எனப்படும் இந்தத் திறன் நமக்குப் பல வெளிச்சங்களை அளிக்கவல்லது, அதிலிருந்து நாம் கற்கக்கூடிய பாடங்கள் ஏராளம்
இந்தப் புத்தகத்துக்குள் நீங்கள் படிக்கப்போகும் ‘செய்திகள்’ 2017லிருந்து 2022வரை நடைபெற்றவை. ஆனால் அவை உணர்த்தும் போக்குகளும் பாடங்களும் என்றென்றும் தொடரக்கூடியவை.

Thanaa Ezhuthum Penaa!/தானா எழுதும் பேனா!-N.Chokkan/என். சொக்கன்

Rs. 150.00

தொழில்நுட்பம் நாளுக்கு நாள் மாறிவருகிறது. அது நமக்கு நல்லதா? கெட்டதா?
அறிவியல், கணினி, தொலைதொடர்பு போன்ற துறைகளில் புதிதாகக் கண்டறியப்படும் விஷயங்களைப் பற்றி மக்களுக்கு எப்போதும் ஒரு குறுகுறுப்பு இருக்கும். அதே நேரம், அவை புதியவை என்பதாலேயே அவை பற்றிய சிறு அச்சமும் இருக்கும். இன்றைக்கு நாம் இயல்பாகப் பயன்படுத்துகிற மின்சாரம் உள்ளிட்ட எல்லா நுட்பங்களும் இந்தத் தொடக்க உரசலைத் தாண்டி வந்தவைதான் என்கிற உண்மையை நினைவில் கொண்டால், அந்த அச்சத்தைச் சற்று விலக்கலாம், புதுமைகளைத் திறந்த மனத்துடன் அணுகலாம்.
தொழில்நுட்ப மாற்றங்களைக் கூர்மையாகப் பார்த்து எளிமையாக அறிமுகப்படுத்தும் கட்டுரைகள் இவை, புதியவற்றைக் கற்றுக்கொள்ளவும் பயன்படுத்திக் கொள்ளவும் உதவுகின்றன.

Andha Forward Pothaanai Azhuthumun/அந்த ஃபார்வர்டு பொத்தானை அழுத்துமுன்...-N.Chokkan/என். சொக்கன்

Rs. 260.00

நம்முடைய அறிவு என்பது நாம் படித்த, பார்த்த, கேட்ட விஷயங்களின் தொகுப்புதான். அப்படி ஏராளமான விஷயங்கள் நாள்தோறும் நம்மை நோக்கி வந்துகொண்டிருக்கின்றன. அவற்றைச் சரியாக வடிகட்டிப் புரிந்துகொண்டு மூளையில் சேமித்துக்கொள்வதும் பின்னர் தேவையான நேரத்தில் அவற்றை எடுத்துப் பயன்படுத்துவதும் முன்னேற்றத்துக்குத் தேவையான நல்ல கலைகள்.
இந்தப் புத்தகம் அப்படிப் பலப்பல உத்திகளைச் சுவையான மொழியில் அறிமுகப்படுத்துகிறது. இவை அனைத்தும் புகழ் பெற்ற இதழ்களில் வெளியாகி லட்சக்கணக்கானோரைச் சென்றடைந்து பாராட்டுப் பெற்றவை. இதிலுள்ள ஒவ்வொரு கட்டுரையும் அப்படியே பயன்படுத்தக்கூடிய வழிமுறைகளைக் கொண்டிருக்கிறது. எனினும், அவற்றைப் புரிந்துகொண்டு நமக்கேற்ப மாற்றிக்கொண்டு பயன்படுத்தினால் இன்னும் பலமடங்கு நன்மைகள் கிடைக்கும்.

Yaar meedhum Veruppillai/யார் மீதும் வெறுப்பில்லை -N.Chokkan/என்.சொக்கன்

Rs. 380.00

வரலாறு வெறும் நிகழ்வுகளின் தொகுப்பு இல்லை, எப்படி வாழவேண்டும் என்பதையும் எப்படி வாழக்கூடாது என்பதையும் நமக்குக் கற்றுத்தருகிற ஆசிரியர்.
இந்தப் புத்தகத்துக்குள் நீங்கள் சந்திக்கப்போகும் மனிதர்களும் நிகழ்ச்சிகளும் வியப்பையும் மதிப்பையும் அருவருப்பையும் சினத்தையும் நெகிழ்வையும் கொண்டுவரக்கூடியவை. கடந்த காலமாகிய வரலாற்றிலிருந்து நிகழ்காலத்தில் பாடம் கற்றுக்கொள்கிறவர்களுடைய எதிர்காலம் வளமாக இருக்கும்.
தினமலர் பட்டம் இதழில் தொடராக வெளியாகிப் பெரும் வரவேற்பைப் பெற்ற வரலாற்றுக் கட்டுரைகள் இவை; என். சொக்கனுடைய எளிமையான, இனிமையான மொழியில் வரலாற்றின்மீது பெரிய ஆர்வத்தைத் தூண்டக்கூடியவை.

Jeeboomba/ஜீபூம்பா-N.Chokkan/என். சொக்கன்

Rs. 700.00

வெற்றியாளர்களை நமக்குத் தெரியும். அவர்களை வெற்றியாளர்களாக ஆக்கியது எது என்று தெரியுமா?
இந்த வெற்றியாளர்களும் நம் எல்லாரையும்போல் சாதாரணமாக நடந்துகொண்டிருந்தவர்கள்தான். திடீரென்று அவர்களுடைய வாழ்க்கையில் வந்த ஒரு நிகழ்ச்சி, அல்லது ஒரு சொல், அல்லது ஒரு மனிதர், அல்லது ஒரு மாற்றம் அவர்களைச் சரியான பாதைக்குக் கொண்டுவந்து விரைவாக முன்னேறச்செய்தது. அந்தத் திருப்புமுனைப் புள்ளியைத்தான் இந்தப் புத்தகம் விவரிக்கிறது.
அதுவும் ஒரு புள்ளி இல்லை, நூறு பெரும்புள்ளிகள், அவர்களுடைய வாழ்க்கையில் வந்த நூறு திருப்புமுனைப் புள்ளிகளை இங்கு நீங்கள் சந்திக்கப்போகிறீர்கள். ஒவ்வொன்றும் ஒரு சுவையான கதை, ஆனால் அவை சொல்கிற நிகழ்வுகள், கற்றுத்தருகிற பாடங்கள் அத்தனையும் உண்மை.

Panbudai Nenjam/பண்புடை நெஞ்சம் -N.Chokkan/என். சொக்கன்

Rs. 280.00

தமிழில்தான் எத்தனை அறநூல்கள்!
பொதுவாக அறிவுரை நூல்களை வாசிப்பது சிரமம். சிலது போரடிக்கும், சிலது 'இதுபோல் நம்மால் நடந்துகொள்ள இயலவில்லையே' என்று குற்றவுணர்ச்சியைத் தரும், 'இதைச் சொன்ன இந்தப் புலவர் ஒழுங்கா நடந்துகிட்டிருப்பாரா?' என்று குதர்க்கமாக யோசிக்கவைக்கும்.
அதனால், அறநூல்களை எழுதியவர்கள் சில நுட்பமான உத்திகளைக் கையாண்டிருக்கிறார்கள். அழகழகான உவமைகள், இதைச் செய்தால் அல்லது செய்யாவிட்டால் இது நடக்கும் என்று இடித்துரைத்தல், பெரியவர்கள் இப்படிதான் செய்தார்கள் என்று முன்னுதாரணம் காட்டுதல் என்று பலவற்றைச் சொல்லலாம். இவையெல்லாம் அறிவுரைகளைக்கூட ஊன்றிப் படிக்கச்செய்கின்றன. இன்றைய மேற்கத்திய மேலாண்மை நூல்களில் நீட்டிமுழக்கிச் சொல்லப்பட்டுள்ள பல விஷயங்களை இங்கே போகிறபோக்கில் மிக எளிமையாக, எல்லாருக்கும் புரியும்படி சொல்லியிருக்கும் மேதைமையை வியக்கலாம். அவை மனத்தில் பதிந்துவிட்டால், வலியச்சென்று பின்பற்றவேண்டிய அவசியம் இருக்காது, எல்லாம் இயல்பாக நடக்கும்.
அப்படியொரு லட்சிய உலகத்தைதான் இந்தப் புலவர்கள் விரும்பியிருக்கிறார்கள். அதைச் சமைப்பது சாத்தியமா என்பது தெரியாது, ஆனால் நம்மளவில் சின்னச்சின்ன திருத்தங்களைச் செய்யத் தொடங்குவது சாத்தியமே. அதற்கான வழிகளை எளிமையாகத் தொகுத்துச் சொல்லும் நூல் இது.

Naalu Vari Note/நாலு வரி நோட்டு -N.Chokkan/என். சொக்கன்

Rs. 370.00

தமிழர்கள் பாடல்களோடு வளர்கிறவர்கள், பாடல்களில் திளைக்கிறவர்கள், பாடல்களை ரசித்து அனுபவித்துப் பாராட்டுகிறவர்கள். அவர்களுடைய ரசனைக்குத் தீனி போடுவதற்காகவே இங்கு பல இசையமைப்பாளர்களும் பாடகர்களும் கவிஞர்களும் மிகச் சிறந்த படைப்பூக்கத்துடன் செயல்பட்டிருக்கிறார்கள், கேட்கக் கேட்கச் சுவை கூடும் ஆயிரக்கணக்கான பாடல்களை வழங்கியிருக்கிறார்கள்.
ஆனால், திரைப்படப் பாடல் வரிகள் என்பவை வெறுமனே மெட்டுக்கு நிரப்பப்பட்ட சொற்கள் என்கிற எண்ணமும் இங்கு பலருக்கு இருக்கிறது. 'சும்மா மானே, தேனேன்னு எதையாவது எழுதி நிரப்பிடுவாங்கய்யா' என்று அலட்சியமாகச் சொல்கிற பலரை நாம் பார்த்திருக்கிறோம்.
உண்மையில், மொழியை அப்படி அக்கறையின்றிக் கையாண்டால் அது இத்தனை இதயங்களைத் தொடாது. ஒவ்வொரு பாடலாசிரியரும் ஒவ்வொரு வரிக்கும் கொடுக்கிற உழைப்பும் முனைப்பும் அந்தப் பாடல்கள் நம் மனத்தில் சென்று சேர்வதற்கான முதன்மைக் காரணங்களில் ஒன்று. அந்தவிதத்தில் தமிழ்த் திரையுலகம் கொடுத்துவைத்தது, ஒவ்வொரு காலகட்டத்திலும் எண்ணற்ற சிறந்த பாடலாசிரியர்கள் நமக்காக எழுதியிருக்கிறார்கள், தமிழை வளப்படுத்தியிருக்கிறார்கள்.
என். சொக்கனின் இந்த நூல், தமிழ்த் திரைப்படப் பாடல் வரிகளை எடுத்துக்கொண்டு பல சுவையான விஷயங்களை ரசனையுடன் பேசுகிறது. இலக்கணம், இலக்கியம், பண்பாடு, வரலாறு, அறிவியல்... உள்ளே வாருங்கள், 'சினிமாப் பாடல் வரிகளுக்குள் இத்தனை சுவையா!' என்று வியந்து நிற்பீர்கள்.

Kanini Gavini/கணினி கவனி -N.Chokkan/என். சொக்கன்

Rs. 70.00

இன்றைய வாழ்க்கை கம்ப்யூட்டர்களால் நிறைந்திருக்கிறது. நம்முடைய ஒவ்வோர் அசைவையும் அவைதான் தீர்மானிக்கின்றன, வழிநடத்துகின்றன.
உண்மையில் கம்ப்யூட்டர் (கணினி) என்றால் என்ன? அது எப்படி இயங்குகிறது? அந்தத் தொழில்நுட்பத்தைச் சுவையான கதை வடிவில் விளக்கும் எளிமையான அறிமுகப் புத்தகம் இது.
படியுங்கள், கணினிகளைத் தெரிந்துகொள்ளுங்கள், அவற்றை உங்கள் நண்பர்களாக்கிக்கொள்ளுங்கள்.

Infosys Narayana Murthy/ இன்ஃபோசிஸ் நாராயண மூர்த்தி-N.Chokkan/என். சொக்கன்

Rs. 190.00

இன்ஃபோசிஸ்: இந்தியாவின் முதல் சாஃப்ட்வேர் வெற்றிக்கதைகளில் ஒன்று. இந்நாட்டைச் சேர்ந்த எண்ணற்ற இளைஞர்களுக்குப் புதிய வாய்ப்புகளையும் மேம்பட்ட எதிர்காலத்தையும் உண்டாக்கிய நிறுவனம். இன்றைக்கு இந்தியாவில் ஏராளமான மென்பொருள் நிறுவனங்கள் தங்களுடைய அலுவலகங்களைத் தொடங்கியிருக்கின்றன என்றால், இன்ஃபோசிஸின் ஆழமான விதையூன்றல்தான் அதற்குக் காரணம்.
பெரிய கனவுகளை நனவாக்கிய இந்நிறுவனத்தின் தொடக்கம், மிக எளிமையான முறையில் தொடங்கியது. நாராயணமூர்த்தியும் அவருடைய தோழர்களும் நம்பிக்கையுடன் எடுத்துவைத்த முதல் காலடி, ஒரு பெரிய பாதையாக உருமாறியது.
இந்த அதிசயம் எப்படி நடந்தது? இன்ஃபோசிஸைத் தொடங்கவேண்டும் என்ற எண்ணம் இவர்களுக்கு எப்படி வந்தது? புதிய துறையில் இவர்கள் கால் பதித்ததும் நடைபோட்டதும் எப்படி? இன்ஃபோசிஸின் வளர்ச்சியையும் சாதனைகளையும் சுவையான நடையில் ஆதாரபூர்வமாக விவரிக்கிறது இந்நூல். திருபாய் அம்பானி, பில் கேட்ஸ், அஜிம் ப்ரேம்ஜி, லட்சுமி மிட்டல் உள்ளிட்ட எண்ணற்ற தொழில்துறைச் சாதனையாளர்களுடைய வாழ்க்கையைச் சிறந்த நூல்களாக எழுதியிருக்கும் என். சொக்கனுடைய இந்த சூப்பர் ஹிட் புத்தகத்தை வாங்கிப் படியுங்கள், வெற்றிகளைக் கைப்பற்றுங்கள்!

Akbar/அக்பர்-N.Chokkan/என். சொக்கன்

Rs. 190.00

சிறந்த போர் வீரர், மிக நல்ல நிர்வாகி, கனிவோடும் அன்போடும் அனைவரையும் அரவணைத்துச்செல்கிற ஒரு தலைவர், மனத்தைக் குறுக்கிக்கொள்ளாமல் விரிவாக்கிச் சிந்தித்த மனிதர், கல்வியை, கலைகளை ஆதரித்த அரசர், இந்திய வரலாற்றின் முதன்மையான ஆட்சியாளர்களில் ஒருவராக அக்பர் மாறியது இப்படிதான்!
மற்ற பல அரசர்களைப்போலவே, இவருடைய ஆட்சியும் குழப்பமான ஒரு சூழ்நிலையில்தான் தொடங்கியது. அதே நேரம், வாளையும் அன்பையும் சரியான சமநிலையோடு பயன்படுத்தித் தன்னுடைய ஆட்சி எல்லைகளையும் ஆதரவாளர்கள் கூட்டத்தையும் விரிவாக்கிக்கொள்ள அவரால் இயன்றது. தன்னுடைய கருத்துகள், நம்பிக்கைகளுடன் பொருந்திப்போகாதவர்களையும் ஆதரித்து அவர்கள் தரப்பைக் கேட்கும் பரந்த உள்ளம் அவருக்கு இருந்தது. தன்னைச் சுற்றித் திறமையாளர்களை நிரப்பிக்கொண்டும், அவர்களை நன்கு பயன்படுத்திக்கொண்டும் ஆட்சிபுரிந்தார். இந்தியாவில் முகலாய ஆட்சியை இன்னும் வலுவாக்கினார்.
அக்பரின் சுவையான வாழ்க்கையை எளிமையான முறையில் அறிமுகப்படுத்துகிறது இந்நூல்.

facebook/ஃபேஸ்புக்-N.Chokkan/என் சொக்கன்

Rs. 230.00

இணையத்தின் #1 சமூக ஊடகம், உலகின் மிகப் பெரிய தொழில்நுட்ப நிறுவனங்களில் ஒன்றான ஃபேஸ்புக்கின் விறுவிறுப்பான வெற்றிக்கதை!
இன்றைக்கு நம்முடைய நிஜ நண்பர்களைவிட ஃபேஸ்புக் நண்பர்கள் மீதுதான் அதிக அன்பும் மதிப்பும் வைத்திருக்கிறோம். எதைச் சாப்பிட்டாலும், எதைச் சாதித்தாலும் படமெடுத்து ஃபேஸ்புக்கில் பதிப்பிக்கிறோம். ஃபேஸ்புக் லைக்குகள் ஒவ்வொன்றும் தலைக்குள் கைதட்டல்களாகக் கேட்கின்றன. எதையேனும் வாங்குவதென்றால் முதலில் ஃபேஸ்புக்கில்தான் கருத்து கேட்கிறோம், ஃபேஸ்புக் மெசஞ்சர் செய்திகள், குழுக்கள், வீடியோக்கள், இன்னும் அவர்கள் அறிமுகப்படுத்துகிற புதுப்புது வசதிகள் ஒவ்வொன்றும் உடனடியாக நம்முடைய புதிய தகவல் தொடர்புக் கருவிகளாகிவிடுகின்றன... வரலாற்றில் வேறு எந்த நிறுவனமும் சமூக உறவுகளை இப்படிப் புரட்டிப்போட்டதில்லை.
ஃபேஸ்புக் என்ற நிறுவனம் எப்படித் தொடங்கியது?
இப்படியொரு சிந்தனை யாருக்கு முதலில் வந்தது, எப்படி வந்தது?
அதை இத்தனை பெரிய நிறுவனமாக ஆக்குவதில் அவர்களுக்கு உதவியவர்கள் யார் யார்?
அவர்கள் சந்தித்த சவால்கள் என்னென்ன? அவற்றை எப்படிச் சமாளித்து முன்னேறினார்கள்?
ஃபேஸ்புக்கின் போட்டியாளர்கள் யார் யார்? மற்றவர்களுக்குச் சாத்தியமாகாத ஒரு வெற்றியை ஃபேஸ்புக் பெற்றிருப்பது எப்படி?
வருங்காலத்தில் ஃபேஸ்புக் எப்படி வளரும்? என்னவெல்லாம் செய்யும்?
... இந்தக் கேள்விகள் அனைத்துக்கும் விறுவிறுப்பான மொழியில் சான்றுகளுடன் பதிலளிக்கிறது என். சொக்கனின் இந்தப் புத்தகம். வாங்கிப் படியுங்கள், ஃபேஸ்புக்கின் வெற்றிக்கதையைத் தெரிந்துகொள்ளுங்கள்.
இந்த வரிசையில் என். சொக்கனின் மற்ற நூல்கள்: கூகுள்: வெற்றிக்கதை, ட்விட்டர்: வெற்றிக்கதை

Google/கூகுள்-N.Chokkan/என். சொக்கன்

Rs. 260.00

இணையத்தின் #1 தேடல் இயந்திரம், உலகின் மிகப் பெரிய தொழில்நுட்ப நிறுவனங்களில் ஒன்றான கூகுளின் விறுவிறுப்பான வெற்றிக்கதை!
இன்றைக்கு நாம் எதைத் தேடுவதென்றாலும் முதலில் கூகுளுக்குதான் ஓடுகிறோம். எங்கேனும் செல்வதென்றால் கூகுள் மேப்ஸிடம் வழி கேட்கிறோம். நம்முடைய புகைப்படங்கள் அனைத்தும் கூகுள் போட்டோஸில் அமர்ந்திருக்கின்றன. திரைப்படம், தொலைக்காட்சி, கல்வி என அனைத்துக்கும் யூட்யூபைச் சார்ந்திருக்கிறோம். ஈமெயில் என்றாலே ஜிமெயில்தான் என்றாகிவிட்டது... வரலாற்றில் வேறு எந்த நிறுவனமும் ஒட்டுமொத்த உலகத்தையும் இப்படி வளைத்துப்போட்டதில்லை.
கூகுள் என்ற நிறுவனம் எப்படித் தொடங்கியது?
இப்படியொரு சிந்தனை யாருக்கு முதலில் வந்தது, எப்படி வந்தது?
அதை இத்தனை பெரிய நிறுவனமாக ஆக்குவதில் அவர்களுக்கு உதவியவர்கள் யார் யார்?
அவர்கள் சந்தித்த சவால்கள் என்னென்ன? அவற்றை எப்படிச் சமாளித்து முன்னேறினார்கள்?
கூகுளின் போட்டியாளர்கள் யார் யார்? மற்றவர்களுக்குச் சாத்தியமாகாத ஒரு வெற்றியை கூகுள் பெற்றிருப்பது எப்படி?
வருங்காலத்தில் கூகுள் எப்படி வளரும்? என்னவெல்லாம் செய்யும்?
... இந்தக் கேள்விகள் அனைத்துக்கும் விறுவிறுப்பான மொழியில் சான்றுகளுடன் பதிலளிக்கிறது என். சொக்கனின் இந்தப் புத்தகம். வாங்கிப் படியுங்கள், கூகுளின் வெற்றிக்கதையைத் தெரிந்துகொள்ளுங்கள்.
இந்த வரிசையில் என். சொக்கனின் மற்ற நூல்கள்: ஃபேஸ்புக்: வெற்றிக்கதை, ட்விட்டர்: வெற்றிக்கதை

Click/க்ளிக்(கச்சிதமான வெற்றியை சாத்தியமாக்கும் வாழ்வியல் உத்திகள்) -N.Chokkan/என். சொக்கன்.

Rs. 65.00

‘க்ளிக்’
இந்த மேஜிக் சத்தம் உலகில் எல்லாருக்கும் தெரிந்த ஒன்று. கேமெராவிலிருந்து வருவதுமட்டும் ‘க்ளிக்’ அல்ல, எல்லாமே சரியாக அதன் இடத்தில் சரியாக அமைவதுதான் ‘க்ளிக்’, அதாவது, கச்சிதமான வெற்றி.
பெரிய சாதனையாளர்களைப் பார்க்கும்போது, அவர்களுடைய வாழ்க்கையில் ஒரு பிரமாதமான ‘க்ளிக்’ நமக்குத் தெரிகிறது. ‘அசத்திட்டான்ய்யா’ என்று அதை நினைத்து மகிழ்கிறோம்.
ஆனால், அந்த ‘க்ளிக்’ ஒலிக்குப் பின்னால் எத்தனை ‘அடச்சே’கள் இருந்தனவோ? யாருக்குத் தெரியும்?
உண்மையில் நாம் ஏங்கவேண்டியது அந்த ‘க்ளிக்’குக்காக அல்ல, அதன் பின்னே இருக்கிற கதைக்காக. அதைப் புரிந்துகொண்டு, அவர்கள் தோல்விகளை எப்படிச் சமாளித்தார்கள், சிறிய வெற்றிகளை எப்படிக் கொண்டாடினார்கள், அங்கிருந்து பெரிய வெற்றிக்கு எப்படி முன்னேறினார்கள் என்பதையெல்லாம் தெரிந்துகொண்டால், நமக்கும் அதேமாதிரி சூழல் வரும்போது அந்த அனுபவத்தைப் பயன்படுத்தி முன்னேறலாம்.
பல சாதனையாளர்களின் வாழ்க்கையில் வந்த 'க்ளிக்'குகளை அலசி ஆராய்ந்து வெற்றிப்பாடங்களைக் கற்றுத்தரும் நூல் இது.

Twitter/ ட்விட்டர் -N.Chokkan/என். சொக்கன்

Rs. 145.00

இணையத்தின் #1 தகவல் பரிமாற்றத் தளம், உலகின் மிகப் பெரிய தொழில்நுட்ப நிறுவனங்களில் ஒன்றான ட்விட்டரின் விறுவிறுப்பான வெற்றிக்கதை!
இன்றைக்கு இணையதளங்கள், செய்தித் தாள்கள், தொலைக்காட்சிச் சேனல்களையெல்லாம்விட மிக விரைவாகச் செய்திகளை நமக்குக் கொண்டுவருகிற தளம், ட்விட்டர்தான். வெறும் செய்திகள்மட்டுமில்லை, வெவ்வேறு கோணங்களில் அதற்கான விமர்சனங்கள், பல்வேறு துறைச் சாதனையாளர்களுடைய கருத்துகள் என்று ட்விட்டர் தருகிற வாசிப்புச் சுகம் வேறெங்கும் நமக்குக் கிடைப்பதில்லை. இவை அனைத்தும் சில சொற்களுக்குள் எழுதப்படுகின்றன என்பதுதான் ட்விட்டரை இன்னும் சுவையான சமூக ஊடகமாக்குகிறது... வரலாற்றில் வேறு எந்த நிறுவனமும் நம்முடைய சிந்தனையை, எழுத்தை, தகவல்களைப் பரிமாறிக்கொள்கிற விதத்தை இப்படி மாற்றியமைத்ததில்லை.
ட்விட்டர் என்ற நிறுவனம் எப்படித் தொடங்கியது?
இப்படியொரு சிந்தனை யாருக்கு முதலில் வந்தது, எப்படி வந்தது?
அதை இத்தனை பெரிய நிறுவனமாக ஆக்குவதில் அவர்களுக்கு உதவியவர்கள் யார் யார்?
அவர்கள் சந்தித்த சவால்கள் என்னென்ன? அவற்றை எப்படிச் சமாளித்து முன்னேறினார்கள்?
ட்விட்டரின் போட்டியாளர்கள் யார் யார்? மற்றவர்களுக்குச் சாத்தியமாகாத ஒரு வெற்றியை ட்விட்டர் பெற்றிருப்பது எப்படி?
வருங்காலத்தில் ட்விட்டர் எப்படி வளரும்? என்னவெல்லாம் செய்யும்?
... இந்தக் கேள்விகள் அனைத்துக்கும் விறுவிறுப்பான மொழியில் சான்றுகளுடன் பதிலளிக்கிறது என். சொக்கனின் இந்தப் புத்தகம். வாங்கிப் படியுங்கள், ட்விட்டரின் வெற்றிக்கதையைத் தெரிந்துகொள்ளுங்கள்.
இந்த வரிசையில் என். சொக்கனின் மற்ற நூல்கள்: கூகுள்: வெற்றிக்கதை, ஃபேஸ்புக்: வெற்றிக்கதை

Vaanam Nam Kayil/வானம் நம் கையில் -N.Chokkan/என். சொக்கன்

Rs. 60.00

பறத்தல் என்பது விடுதலையின் அடையாளம். எந்தக் கட்டுகளும் இல்லாதவர்கள்தான் பறக்கமுடியும். அப்படிப் பறக்கவேண்டும் என்பது மனிதனின் நெடுநாள் ஆசை, கனவு.
ஆனால், மனிதன் பறக்கப் படைக்கப்பட்டவன் இல்லை. அறிவின் துணையோடு அவன் ஒரு கருவியை உருவாக்கிதான் பறக்கக் கற்றுக்கொள்ளவேண்டியிருந்தது. அந்த வியப்பூட்டும் முன்னேற்றத்தைச் சாதித்ததும், உலகமே மாறிவிட்டது, வாழ்க்கைமுறையும் மாறிவிட்டது, ஒட்டுமொத்த மனிதகுலத்தின் வரலாற்றிலும் பறத்தல் என்பது ஒரு மிகப் பெரிய திருப்புமுனை.
மனிதன் பறக்கக் கற்றுக்கொண்ட கதையைச் சிறுவர்களுக்குச் சுருக்கமாகவும் அழகாகவும் சொல்கிறது இந்த நூல். அத்துடன், முயற்சியும் முனைப்பும் கனவும் சேர்ந்தால் எதையும் சாதிக்கலாம் என்ற பாடத்தையும் கற்றுத்தருகிறது.

Sunil Mittal/சுனில் மிட்டல்- N.Chokkan/என். சொக்கன்

Rs. 220.00

இன்றைக்கு செல்போனுக்குள் உலகம் இருக்கிறது. ஒரு க்ளிக்கில் பைசா செலவில்லாமல் யாருடனும் பேசலாம்; வீடியோவில் யாருடனும் அரட்டையடிக்கலாம்; ஃபேஸ்புக், ட்விட்டர், கூகுள் என்று சுற்றிவரலாம்; விளையாடலாம்; பணம் சம்பாதிக்கலாம்… இவை அனைத்துக்கும் அடிப்படை, எலக்ட்ரானிக், தகவல் தொழில்நுட்பம், தொலைத்தொடர்புத் துறைகளில் ஏற்பட்டுள்ள மிகப் பெரிய மாற்றங்கள்.
இந்தியத் தொலைத்தொடர்புத்துறை முன்னேற்றத்தை எழுதுகிற எவரும் சுனில் மிட்டலுடைய வாழ்க்கையைக் குறிப்பிடாமல் நகர இயலாது. ‘ஏர்டெல்’ என்கிற ஒரே ஒரு பிராண்டால் அவர் இன்றைக்கு அறியப்பட்டாலும், மிகப் பெரிய கனவுகளுடன் பல நிறுவனங்களை, பல தயாரிப்புகளை, பல சேவைகளை அறிமுகப்படுத்தி வெற்றி கண்டவர் அவர்.
‘ஏர்டெல்’ சுனில் மிட்டலுடைய வாழ்க்கை வரலாற்றைத் துல்லியமாகவும் சிறப்பாகவும் எளிமையாகவும் பதிவு செய்கிற நூல் இது. திருபாய் அம்பானி, பில் கேட்ஸ், இன்ஃபோசிஸ் நாராயணமூர்த்தி, லட்சுமி மிட்டல் உள்ளிட்ட பல சாதனையாளர்களுடைய வாழ்க்கையை எழுதியிருக்கும் என். சொக்கனுடைய சுவையான எழுத்தில் சுனில் மிட்டலின் வெற்றிக்கதையைப் படியுங்கள், கனவு காணுங்கள், அவற்றை உண்மையாக்கத் தொடங்குங்கள்.

Subash Chandra/சுபாஷ் சந்திரா-N.Chokkan/என். சொக்கன்

Rs. 210.00

இந்தியாவின் முதல் சாட்டிலைட் சேனலை உருவாக்கி அதை மிகப் பெரிய வணிகக் குழுமமாக வளர்த்த முன்னோடித் தொழிலதிபர் "ஜீ டிவி" (Zee TV) சுபாஷ் சந்திராவின் வெற்றிக்கதை இது. நம்முடைய மக்களின் எதிர்பார்ப்புகளைப் புரிந்துகொண்டு, தொழில்நுட்பத்தின் துணையோடு அதை நிறைவுசெய்தால் எப்பேர்ப்பட்ட வெற்றி வரும் என்பதைக் கண்முன்னால் நடத்திக்காண்பித்தவர் சுபாஷ் சந்திரா. அவர் துணிவோடு அமைத்த பாதையில்தான் இன்றைக்கு அத்தனை பொழுதுபோக்கு நிறுவனங்களும் நடந்துகொண்டிருக்கின்றன. அவருடைய கனவுகளும் போராட்டமும் உழைப்பும் விடாமுயற்சியும் நமக்குப் பெரிய பாடங்கள்!

Napolean/நெப்போலியன்-N.Chokkan/என்.சொக்கன்

Rs. 250.00

நெப்போலியன் எந்த நூற்றாண்டிலோ வாழ்ந்தவர், எந்தக் கண்டத்திலோ வாழ்ந்தவர், எந்த மொழியையோ பேசியவர், அவருடைய வாழ்க்கைப் பின்னணியும் நமக்குப் பழக்கப்படாதது. ஆனாலும், அவர்மீது நமக்கு ஓர் ஈர்ப்பு இருக்கிறது, அவருடைய வரலாற்றைப் படிக்கும்போது பரவசம் வருகிறது, ‘நம்மாளுதான் இவர்' என்று தோன்றுகிறது. அநேகமாக உலகம் முழுக்க எல்லாப் பண்பாடுகளைச் சேர்ந்தவர்களும் இப்படிதான் உணர்கிறார்கள். காரணம், வீரமும் தன்னம்பிக்கையும் நிறைந்த அவருடைய வாழ்க்கையுடன் யாரும் எளிதில் ஒன்றிவிடலாம், அவரிடமிருந்து பல விஷயங்களைக் கற்றுக்கொள்ளலாம்.
உலகெங்கும் தன்னம்பிக்கையின் அடையாளமாகக் கருதப்படுகிற நெப்போலியனுடைய வாழ்க்கையை விறுவிறுப்பான நடையில் நூலாக்கியிருக்கிறார்
என். சொக்கன். பல்லாயிரக்கணக்கான பிரதிகள் விற்பனையாகிச் சாதனை படைத்த நூல் இது.

Irumbukkai Maayavi/இரும்புக் கை மாயாவி-N.chokkanஎன். சொக்கன்

Rs. 200.00

உலகம் முழுக்க சுற்றியுள்ள இந்தியர் இவர்.
ஆனால், அவர் பொழுதுபோக்குக்காக வெளிநாடுகளுக்குச் செல்கிறவர் இல்லை.
தான் சென்ற ஒவ்வோர் இடத்திலும் ஒரு புதிய மாற்றத்தைக் கொண்டுவந்தவர் இவர். மற்றவர்கள் சாத்தியமில்லை என்று சொன்ன விஷயங்களைச் செய்து காட்டியவர்.
குறிப்பாக, நஷ்டத்தைச் சந்திக்கும் நிறுவனங்கள் என்றால் இவருக்கு ரொம்பப் பிடிக்கும். தோசையைத் திருப்பிப்போடுவதுபோல் அவற்றை லாபத்தின்பக்கம் திருப்பிவிடுவார்.
ஆனால், இதைச் சொல்வது எளிது. செய்வது கடினம்.
சந்தேகமிருந்தால், லட்சுமி மிட்டலுடைய போட்டியாளர்களைக் கேட்டுப்பாருங்கள், அவரைக் காப்பியடித்து ஜெயித்துவிடலாம் என்று தப்புக் கணக்குப் போட்டவர்களை விசாரியுங்கள், அவர் எப்பேர்ப்பட்ட சாதனையாளர் என்பது புரியும்.
யார் இந்த லட்சுமி மிட்டல்?
இந்தியாவில் பிறந்து, வளர்ந்த ஒருவர் உலகையே வளைத்துப்போட்டது எப்படி?
மிகக் கடினமான இரும்புத் தொழிலில் அவர் வெற்றியடைந்தது எப்படி?
நஷ்டம் தரும் நிறுவனங்களை லாபத்துக்குத் திருப்புவதற்கு அவர் பயன்படுத்திய உத்திகள் என்னென்ன?
அவரிடமிருந்து நாம் கற்றுக்கொள்ளக்கூடிய பாடங்கள் எவை?
இந்தப் புத்தகத்தைப் படியுங்கள், இந்த இரும்புக் கை மாயாவியுடைய வாழ்க்கையிலிருந்து நாமும் ஊக்கம் பெறலாம்!

FBI-(America ulavuthuraiyin varalaaru)/FBI-(அமெரிக்கா உளவுத்துறையின் வரலாறு -N.Chokkan/என்.சொக்கன்

Rs. 230.00

சினிமா பார்க்கிற எல்லாருக்கும், குறிப்பாக ஹாலிவுட் பிரியர்களுக்கு FBI என்ற பெயர் நன்றாகத் தெரிந்திருக்கும். ஆனால் திஙிமியின் உண்மை வரலாறு அந்தச் சினிமாக் கதைகளையெல்லாம்விடச் சுவையானது, விறுவிறுப்பானது, பரபரப்பானது.
உண்மையில் எஃப்.பி.ஐ. என்ற அமைப்பை யார், எதற்காகத் தொடங்கினார்கள்? அவர்களுக்கு என்னென்ன அதிகாரங்கள் உண்டு, என்னென்ன அதிகாரங்கள் இல்லை, அந்த அதிகாரங்களையெல்லாம் மீறி அவர்கள் செயல்படுவதாகச் சொல்கிறார்களே, அதெல்லாம் உண்மைதானா? ஆம் எனில், எஃப்.பி.ஐ-ஐக் கட்டுப்படுத்தும் ஆற்றல் யாரிடம்தான் இருக்கிறது? எங்கெல்லாம் அவர்களுடைய கரங்கள் நீண்டிருக்கின்றன? அவர்களுடைய வெற்றி, தோல்விகள் என்னென்ன? அனைத்தையும் சான்றுகளுடனும் விறுவிறுப்பாகவும் பேசுகிறது இந்த நூல்.
மொசாட், CIA, FBI, KGB எனப் பல உலக உளவு அமைப்புகளுடைய கதைகளைச் சுவையான நூல்களாக எழுதியிருக்கும் என். சொக்கனின் இந்த சூப்பர் ஹிட் புத்தகத்தை ஒரு நாவல்போலப் படிக்கலாம், திரைப்படத்தைப்போல் மனக்கண்ணில் காணலாம், ஆனால், இவை அனைத்தும் உண்மையில் நடந்தவை, நடந்துகொண்டிருக்கிறவை என்பதை உணரும்போதுதான் அதிர்ச்சியும் திகைப்பும் பலமடங்காகும்!

Bill Gates/பில் கேட்ஸ் -N.Chokkan/என்.சொக்கன்

Rs. 320.00

இன்றைக்குக் கம்ப்யூட்டரை, செல்ஃபோனை, மின்னஞ்சலை, இணையத்தைப் பயன்படுத்துகிற எல்லாரும் ஏதோ ஒருவிதத்தில் பில் கேட்ஸுக்குக் கடமைப்பட்டவர்கள்தான். இப்போது நாம் அனுபவிக்கிற டிஜிட்டல் புரட்சிக்கான தொடக்கப்புள்ளியை அவர்தான் எழுதினார்.
இத்தனைக்கும், பில் கேட்ஸ் புதிதாக எதையும் கண்டுபிடிக்கவில்லை. ஏற்கெனவே இருந்தவற்றைக் கூர்ந்து கவனித்தார், அவை எந்தத் திசையில் செல்லக்கூடும் என்று ஊகித்தார், சில நேரங்களில், அவை எப்படி மாறவேண்டும் என்று அவரே கற்பனை செய்து தீர்மானித்தார், அந்தப் பாதையில் தன்னுடைய நிறுவனத்தை வழிநடத்தினார், உலகமும் கூடவே வந்தது.
பில் கேட்ஸைப்போல் இந்தத் துறைக்குப் பங்களித்தவர்கள் மிகப் பலர் உண்டு. ஆனால், ஒரு சிறிய வட்டத்துக்குள் சுற்றிக்கொண்டிருந்த இந்தத் துறையை மிகப் பெரிய வட்டத்துக்குள் கொண்டுவந்து, பின்னர் அந்த வட்டத்துக்குள் உலகத்தையே உட்காரவைத்த சாதனை பில் கேட்ஸுடையது.
சிறந்த தொழிலதிபர், தொழில்நுட்பப் புள்ளி, சிந்தனையாளர், எழுத்தாளர், பணக்காரர், அந்தப் பணத்தில் பெரும்பகுதியை வாரி வழங்கி மகிழ்கிற மனிதர் என்று பல்வேறு முகங்களைக் கொண்ட பில் கேட்ஸின் வாழ்க்கையை, வளர்ச்சியை, வெற்றியை, சாதனைகளை, அவற்றிலிருந்து நாம் கற்றுக்கொள்ளக்கூடிய பாடங்களை எளிமையாகவும் ஆதாரபூர்வமாகவும் பதில் சொல்கிறது என். சொக்கனின் இந்த நூல்.

Ambani Oru Vetrikkathai/அம்பானி ஒரு வெற்றிக்கதை -N.Chokkan/என்.சொக்கன்

Rs. 210.00

'ரிலையன்ஸ்' என்ற பெயரை இன்றைக்கு உலகமே அறியும். காரணம், உலகப் பணக்காரர்களுடைய வரிசையில் படிப்படியாக மேலே சென்று அசத்திக்கொண்டிருக்கிறார் முகேஷ் அம்பானி.
முகேஷின் வெற்றி மிகப் பெரியது என்பதில் ஐயமில்லை, ஆனால், அதற்கு அடித்தளம் அமைத்துத் தந்தவர், அவருடைய தந்தை திருபாய் அம்பானி. கனவுகள், திறமை, உழைப்பு ஆகியவற்றை மட்டுமே நம்பி மிகப் பெரிய தொழில் சாம்ராஜ்யமொன்றை அமைத்து வெற்றிபெற்றவர். இந்தியாவின் தொழில் முகத்தையும் பல இந்தியர்களின் வாழ்க்கையையும் மாற்றியமைத்தவர்.
யார் இந்தத் திருபாய் அம்பானி. இப்படியொரு மிகப்பெரிய வெற்றி அவருக்கு எப்படிச் சாத்தியமானது? அம்பானியின் முழுமையான வாழ்க்கையைச் சுவையான நடையில் சொல்லுகிற இந்த சூப்பர் ஹிட் நூலைப் படியுங்கள்.

Ratan Tata/ரத்தன் டாடா -N.Chokkan/என்.சொக்கன்

Rs. 230.00

'ஒரு லட்ச ரூபாய்க்கு ஒரு கார்' என்ற மிகப் பெரிய கனவின் மூலம்தான் இந்திய மக்களுடைய கவனத்துக்கு வந்தார் ரத்தன் டாடா. 'இது சாத்தியம்தானா?' என்று சிலரும், 'சாத்தியமாகிவிட்டால் எப்படி இருக்கும்!' என்று பலரும் வியந்து நிற்க, ரத்தன் டாடா தலைமையில் தொழில்நுட்பம், விடாமுயற்சியின் துணையோடு அந்தக் கனவை நனவாக்கிச் சாதனை புரிந்தது டாடா நிறுவனம்.
ஆனால், ஒரு லட்ச ரூபாய்க் காருக்கு முன்பும் சரி, பின்பும் சரி, ரத்தனுடைய சாதனைகள் ஏராளம். டாடாவைப் போன்ற ஒரு மிகப் பெரிய குழுமத்தைத் தொலைநோக்குடன் வழிநடத்தியவர், புதிய பணிவாய்ப்புகளை உருவாக்கியவர், உலக அரங்கில் இந்தியாவுக்குத் தனி மதிப்பை உண்டாக்கித்தந்தவர் என ரத்தனுடைய பங்களிப்பு மிகப் பெரியது.
யார் இந்த ரத்தன் டாடா?
டாடா குடும்பத்தில் பிறந்ததாலேயே அவர் அந்நிறுவனத்தின் தலைவராகிவிட்டாரா?
இத்தனைப் பெரிய சாதனைகளைப் புரிவதற்கான அடித்தளத்தை அவர் எப்படி உருவாக்கிக்கொண்டார்?
நானோவைப்போல் அவர் அறிமுகப்படுத்திய, மாற்றியமைத்த புதுமைத் தயாரிப்புகள் என்னென்ன?
இந்தியத் தொழில்துறைக்கு அவருடைய கொடைகள் என்னென்ன?
அவருடைய வெற்றிக் கதையில் நாம் கற்றுக்கொள்ளக்கூடிய பாடங்கள் எவை?
இந்தக் கேள்விகள் அனைத்துக்கும் சுவையான நடையில் சான்றுகளுடன் பதிலளிக்கிறது என். சொக்கனுடைய இந்தப் புத்தகம், ரத்தன் டாடா என்ற மனிதரை, மேலாளரை, தலைவரை, ஆளுமையைச் சிறப்பாக அறிமுகப்படுத்துகிறது.

CIA -(அடாவடிக் கோட்டை )-N.Chokkan/என்.சொக்கன்

Rs. 200.00

சினிமா பார்க்கிற எல்லாருக்கும், குறிப்பாக ஹாலிவுட் பிரியர்களுக்கு CIA என்ற பெயர் நன்றாகத் தெரிந்திருக்கும். ஆனால் CIAவின் உண்மை வரலாறு அந்தச் சினிமாக் கதைகளையெல்லாம் விடச் சுவையானது, விறுவிறுப்பானது, பரபரப்பானது.
உண்மையில் சிஐஏ என்ற அமைப்பை யார், எதற்காகத் தொடங்கினார்கள்? அவர்களுக்கு என்னென்ன அதிகாரங்கள் உண்டு, என்னென்ன அதிகாரங்கள் இல்லை, அந்த அதிகாரங்களையெல்லாம் மீறி அவர்கள் செயல்படுவதாகச் சொல்கிறார்களே, அதெல்லாம் உண்மைதானா? ஆம் எனில்,
சிஐஏ-வைக் கட்டுப்படுத்தும் ஆற்றல் யாரிடம்தான் இருக்கிறது? எங்கெல்லாம் அவர்களுடைய கரங்கள் நீண்டிருக்கின்றன? அவர்களுடைய வெற்றி, தோல்விகள் என்னென்ன? அனைத்தையும் சான்றுகளுடனும் விறுவிறுப்பாகவும் பேசுகிறது இந்த நூல்.
மொசாட், CIA, FBI, KGB எனப் பல உலக உளவு அமைப்புகளுடைய கதைகளையைச் சுவையான நூல்களாக எழுதியிருக்கும் என். சொக்கனின் இந்தச் சூப்பர் ஹிட் புத்தகத்தை ஒரு நாவல்போலப் படிக்கலாம், திரைப்படத்தைப்போல் மனக்கண்ணில் காணலாம், ஆனால், இவை அனைத்தும் உண்மையில் நடந்தவை, நடந்துகொண்டிருக்கிறவை என்பதை உணரும்போதுதான் அதிர்ச்சியும் திகைப்பும் பலமடங்காகும்!

Sign up