Shahraj

Filter
      8 products

      8 products

      Quick view
      Maadheeswari/மாதீஸ்வரி- Shahraj/ஷாராஜ்
      Rs. 290.00
      Quick view
      Pagal Iravugalai Kondu Varugira Paravai/பகல் இரவுகளைக் கொண்டுவருகிற பறவை-Shahraj/ஷாராஜ்
      Rs. 320.00
      Quick view
      Valli Naayagam Compund/வள்ளிநாயகம் காம்பௌண்ட் -Shahraj/ஷாராஜ்
      Rs. 285.00
      Quick view
      Vaanavil நிலையம் வானவில் நிலையம் -Shahraj /ஷாராஜ்
      Rs. 470.00
      Quick view
      Pakkatthu veedu oliyaandugalukku appal/பக்கத்து வீடு ஒளியாண்டுகளுக்கு அப்பால் -Shahraj /ஷாராஜ்
      Rs. 330.00
      Quick view
      Veyyil Mella Thazhum/வெயில் மெல்லத் தாழும் /Shahraj/ஷாராஜ்
      Rs. 260.00
      Quick view
      kaalaniyin naangavathu veedhi/காலனியின் நான்காவது வீதி -Shahraj /ஷாராஜ்
      Rs. 215.00
      Quick view
      Perunthotru/பெருந்தொற்று -Shahraj/ஷாராஜ்
      Rs. 430.00
      Maadheeswari/மாதீஸ்வரி- Shahraj/ஷாராஜ்

      Maadheeswari/மாதீஸ்வரி- Shahraj/ஷாராஜ்

      Rs. 290.00
      /

      ஷாராஜின் ‘துலுக்குவார்பட்டி ட்ரையாலஜி’ என்னும் மும்மை நாவல்களில் முதலாவது பெருந்தொற்று. இரண்டாவது இந்த மாதீஸ்வரி.  
      ராணுவ ஒழுங்கு போன்ற கட்டுப்பாட்டில் ஊரை நிர்வகித்து வந்தவர், முன்னாள் ஊர்த் தலைவரான மிராசுதார் சென்ராயன். அவரது மரணத்துக்குப் பிறகு அவரின் விதவையான மாதீஸ்வரி, பிற மிராசுதார்கள், பண்ணையார்களின் எதிர்ப்புக்கிடையே ஏழைகள், தாழ்த்தப்பட்டோர், கல்வியறிவற்றோர், பெண்கள் ஆகியோரின் முன்னேற்றத்துக்குப் பாடுபட்டு மக்களின் நன்மதிப்பைப் பெறுகிறாள். இந்நிலையில் அவளது குடும்பத்தில் நிகழும் எதிர்பாராத அசம்பாவிதங்களாலும், அதன் பின்விளைவுகளாலும் குடும்பம் சிதைந்து, ஊரும் பாதிக்கப்படுகிறது.
      கொரோனா காலகட்டத்தில் அவள் மரணப்படுக்கையில் கிடக்கும்போது, ஒரு வார காலத்தில் இன்னும் சில எதிர்பாராத சம்பவங்கள், அசம்பாவிதங்கள் நிகழ்கின்றன. இந்தப் பின்புலத்தில் சர்ச்சைக்குரிய ஒரு விவகாரத்தை முன்னிட்டு மாதீஸ்வரி, அவளின் இளைய மகன், பேரன் ஆகியோருக்கிடையே நிகழும் பாசப் போராட்டம் இந்த நாவல்.

      Get Flat 15% off at checkout
      Pagal Iravugalai Kondu Varugira Paravai/பகல் இரவுகளைக் கொண்டுவருகிற பறவை-Shahraj/ஷாராஜ்

      Pagal Iravugalai Kondu Varugira Paravai/பகல் இரவுகளைக் கொண்டுவருகிற பறவை-Shahraj/ஷாராஜ்

      Rs. 320.00
      /

      2004-ல் வெளியான ஷாராஜின் வடக்கந்தறயில் அம்மாவின் பரம்பரை வீடு என்ற முதல் சிறுகதைத் தொகுப்பு, அதன் மெல்லியல் கதைகளுக்காக சக இலக்கிய நண்பர்கள், வாசகர்கள் சிலரின் விருப்பங்களையும் பாராட்டுகளையும் பெற்றது. அக் கதைகளை இன்னமும் நினைவுகூர்ந்து சிலாகிக்கும் சிலர் அதன் மறுபதிப்பைக் கொண்டுவரவும் விருப்பம் தெரிவிப்பார்கள். அதற்கிணங்க, அத் தொகுப்பில் உள்ள பத்து கதைகளோடு, இடைக் காலத்திலும் கடந்த ஓரிரு வருடங்களிலும் எழுதிய, இதுவரை தொகுப்புகளில் சேர்க்கப்படாத சில புதிய கதைகளும், ஐந்து நையாண்டிக் கதைகளும் சேர்த்து இந்தத் தொகுப்பு உருவாக்கப்பட்டிருக்கிறது. 

      Get Flat 15% off at checkout
      Valli Naayagam Compund/வள்ளிநாயகம் காம்பௌண்ட் -Shahraj/ஷாராஜ்

      Valli Naayagam Compund/வள்ளிநாயகம் காம்பௌண்ட் -Shahraj/ஷாராஜ்

      Rs. 285.00
      /
      “அஞ்சு வருசம் தொடர்ந்து ஒரு வீட்டுல வாடகைக்கு இருக்க முடியுது, வீட்டு ஓனரு விட்டிருக்கறாருன்னாலே ஆச்சரியம். பத்து வருசம் இருந்தா அதிசயம். பதனஞ்சு வருசம் இருந்தா சாதனை. இருவத்தொம்பது வருசம் இருந்தது கின்னஸ் சாதனைதான்!” என்று நாவலில் ஒரு கதாபாத்திரம் கூறுகிறது.
      பொள்ளாச்சி நகரத்தில், ஒரு காலனியில் உள்ள வள்ளிநாயகம் காம்பௌண்டில் இந்த ஆச்சரியம், அதிசயம், சாதனை யாவும் நடக்கின்றன. அது மட்டுமல்ல. அந்தக் காம்பௌண்டில் வசிக்கும் எட்டு குடித்தனக்காரர்கள் வேறுபட்ட ஜாதி, மதம், இனம்; ஏழைகள், நடுத்தர வர்க்கம்; பல வகை குணங்கள் ஆகிய பேதங்களுக்கிடையிலும் ஒட்டுறவாக பெரிய கூட்டுக் கூடும்பம் போல வாழ்ந்து வருகின்றனர்.
      மகிழ்ச்சி, வேடிக்கை, கொண்டாட்டம், குதூகலம், நேச பாசம் என வாடகை சொர்க்கமாகத் திகழ்ந்த அந்தக் காம்பௌண்டை கொரொனா சூழல் எப்படியெல்லாம் பாதிக்கிறது, பிறகு என்ன ஆகிறது என்பதுதான் இந்த ஆவணப் புனைவின் மையம்.
      Get Flat 15% off at checkout
      Vaanavil நிலையம் வானவில் நிலையம் -Shahraj /ஷாராஜ்

      Vaanavil நிலையம் வானவில் நிலையம் -Shahraj /ஷாராஜ்

      Rs. 470.00
      /
      ஸ்கிஸாய்ட் பர்ஸனாலிட்டி எனப்படும் மனப் பிளவு கொண்ட இளங்கோ, விளம்பரப் பலகைகள், பேனர்கள் எழுதும் தொழிற்துறை ஓவியன். 2000 வருட வாக்கில் ப்ளக்ஸ் பேனர்கள், போர்டுகள் வரவால் தொழில் இழக்கிறான்.
      இந்தப் பின்புலத்தில், இளம் பருவம் முதலான அவனது காதலின் இனிமைகள், பிறகு நேரும் காதல் தோல்வி, அதன் விளைவுகள், தொழில் மற்றும் வாழ்வியல் மாற்றம் ஆகியவற்றைச் சித்தரிப்பதே இந்த நாவல்.

      பிஞ்ச் செயலியில் வெளியான இது, அற்புதமான கதை, நெகிழ வைக்கக் கூடியது, நல்ல வாழ்க்கைப் பதிவு, எதார்த்தமான கதை, மிக நுணுக்கமான உணர்வுகள் வார்த்தைகளில் மிக அழகாக விவரிக்கப்பட்டுள்ளன, காதலைக் கடந்து வாழ்க்கையின் எதார்த்தத்தைப் புரிய வைத்தது, பாத்திரங்கள் சிறப்பு, ஏராளமான செய்திகளும் தகவல்களும் கொண்டது, என்பது உள்ளிட்ட பாராட்டுகளைப் பெற்றது.
      Get Flat 15% off at checkout
      Pakkatthu veedu oliyaandugalukku appal/பக்கத்து வீடு ஒளியாண்டுகளுக்கு அப்பால் -Shahraj /ஷாராஜ்

      Pakkatthu veedu oliyaandugalukku appal/பக்கத்து வீடு ஒளியாண்டுகளுக்கு அப்பால் -Shahraj /ஷாராஜ்

      Rs. 330.00
      /
      அருமையான நடை. என்ன ஒரு நக்கல், நையாண்டி. இலக்கிய வியாதிகளுக்கு ஒரு சவுக்கடி. வாரமலரில் இப்படி ஒரு அருமையான கதையை எதிர்பார்க்கவில்லை. அக்மார்க் நடுத்தர மாமாக்களுக்கும், சோம்பேறிகளுக்கும் பிடிக்காததில் ஆச்சர்யம் இல்லை. எழுத்து நடைக்காகவும், எள்ளலுக்காகவுமே மூன்று முறை ரசித்துப் படித்தேன். இது வாரமலரில் ஒரு மைல் கல். தொடர்ந்து இத்தகைய சிறுகதைகளை வெளியிடும்படி கேட்டுக்கொள்கிறேன்.
      - ஒரு வாசகரின் கருத்து
      -***-
      வட்டார மொழியின் அழகுக்கு, பொது மொழியோ, எழுத்து மொழியோ, இலக்கிய அலங்கார மொழியோ, செவ்வியல் மொழியோ கூட ஈடாகாது. ஏனென்றால், வட்டார மொழியானது, மண்ணிலிருந்தும், மண்ணில் முளைத்த மனிதர்களிடமிருந்தும், ரத்தமும் சதையுமான வாழ்க்கையிலிருந்தும் வருவது. அதில் உள்ளது, நயப்படுத்தப்படாத, கச்சாவான அழகும், மூலப் படைப்பாற்றல் கொண்ட உயிரோட்டமும். அது, உணர்வுபூர்வமாக நம்முடன் ஒன்றி உறவாடுகிறது. அதனாலேயே எந்த வட்டார மொழியானாலும், அதில் சில பல சொற்கள் புரியாவிட்டாலும், நம்மால் அம் மொழியை மிகவும் ரசிக்க முடிகிறது.
      Get Flat 15% off at checkout
      Veyyil Mella Thazhum/வெயில் மெல்லத் தாழும் /Shahraj/ஷாராஜ்

      Veyyil Mella Thazhum/வெயில் மெல்லத் தாழும் /Shahraj/ஷாராஜ்

      Rs. 260.00
      /
      'எது மீண்டும் மீண்டும் வாசிக்கத் தூண்டுகிறதோ, ஒவ்வொரு வாசிப்பின்போதும் குறையாத சுவையையும், புத்துணர்ச்சியையும் கொண்டிருக்கிறதோ, ஒவ்வொரு மறுவாசிப்பிலும் புதிதாக எதையாவது தருகிறதோ, அதுதான் சிறந்த இலக்கியம' என்ற கூற்றைத் தனது இலக்கிய வரையறையாக ஏற்றுக்கொண்டவர் ஷாராஜ்.
      இந்தத் தொகுப்பில் உள்ள பெரும்பாலான கதைகள் 90-களில், அவரது ஆரம்ப காலத்தில் எழுதப்பட்டவை. பால்யம் மற்றும் இளமைக் கால நினைவுகளை இயல்பாகவே வாய்க்கப் பெற்றவை. எனவே, இவற்றைக் 'கருப்பு வெள்ளையில் பசுமை நினைவுகள்' என அவர் குறிப்பிடுவது பொருத்தமானதுதான்.  
      'உயிரும் உணர்வும் உள்ள, சில பத்தாண்டுகள் தாண்டியும் வாழக்கூடிய இப்படிப்பட்ட கதைகளைத் தொடர்ந்து படைத்துக்கொண்டிருந்தாலே போதும்' எனவும் சொல்கிறார்.
      Get Flat 15% off at checkout
      kaalaniyin naangavathu veedhi/காலனியின் நான்காவது வீதி -Shahraj /ஷாராஜ்

      kaalaniyin naangavathu veedhi/காலனியின் நான்காவது வீதி -Shahraj /ஷாராஜ்

      Rs. 215.00
      /
      தனது சிறுகதைகளில் சென்ட்டிமென்ட், நையாண்டி என இரு காலகட்டத்தைக் கொண்ட ஷாராஜ், "எனது முதல் கட்டக் கதைகளை விரும்புகிற பலரும் சுமார் 20-25 ஆண்டுகளுக்குப் பிறகும் அக் கதைகளைப் பற்றி சிலாகித்துப் பேசுவது வியப்புக்குரியது" என்கிறார். அக் காலகட்டத்தின், இதுவரை தொகுப்பில் வராத முக்கியக் கதைகள் அடங்கிய தொகுப்பு இது. இலக்கியம், ஜனரஞ்சகம், நடுநிலை என மூன்று ரகங்களும் இதில் உள்ளன.  "மண்ணையும், மண்ணில் முளைத்த மனிதர்களையும் கிராமங்களில்தான் பார்க்க முடியும். அவ்வாறு வாழ்ந்து பெற்ற அனுபவமே எனது கதை எழுத்தின் ஆழத்துக்கு ஆதாரம்" என்கிறார் ஆசிரியர்.

      Get Flat 15% off at checkout
      Perunthotru/பெருந்தொற்று -Shahraj/ஷாராஜ்

      Perunthotru/பெருந்தொற்று -Shahraj/ஷாராஜ்

      Rs. 430.00
      /
      உலகைப் புரட்டிய பேரதிர்வுகளைத் தந்த, இன்னும் தீராத கொடுந்துயர் - கொரோனா பெருந்தொற்று. இந் நூற்றாண்டின் மகா பேரழிவுகளில் ஒன்றான அது, தனி மனித நிலை, குடும்பச் சூழல், சமூகம், அரசியல், அன்றாட வாழ்வு, பண்பாடு உள்ளிட்ட பல்வேறு தளங்களிலும் கடுமையான தாக்கத்தையும், சீர்குலைவுகளையும் ஏற்படுத்திவிட்டது.

      இந்தப் பெருங்கொள்ளை இந்தியாவில் பெரும் பாதிப்புகளை உண்டாக்கிக்கொண்டிருந்த 2020-ஆம் ஆண்டு முற்பகுதியில், அதை மையப்படுத்தி நிகழ்ந்த, மத ரீதியான கலவரச் சூழலும் மறக்க முடியாதது. கொந்தளிப்பு மிகுந்த அந்த நாட்களில், ஒரு நூற்றாண்டு காலத்திற்கு மேலாக நல்லிணக்கத்திற்கு சிறந்த முன்னுதாரணமாகத் திகழ்ந்துவந்த தமிழக குக்கிராமம் ஒன்றில் ஏற்பட்ட கொடூரமான விளைவுகளைச் சித்தரிக்கிறது இந்த நாவல்.
      Get Flat 15% off at checkout